Frá láti Susiear sumarið 2007 hefur þessi hópur unnið að undirbúningi verkefna sem annars vegar snúa að aðgerðum opinberra aðila á sviði varna gegn fíkniefnum, en hins vegar að verkefnum sem samtök einstaklinga geta unnið í forvarnar- og meðferðarskyni.

Hópurinn hefur með samtölum við mikinn fjölda sérfræðinga á þessu sviði, reynt að gera sér grein fyrir hvaða brotalamir eru í forvarnar-, meðferðar- og eftirmeðferðarúrræðum, einkum fyrir ungt fólk á Íslandi. Viðmælendur hópsins eru sammála um að auka þurfi samstarf og samhæfingu aðila, bæði opinberra aðila, sjálfseignastofnana og félagasamtaka. Ekki síst  þurfi að ná betur til ungs fólks í framhaldsskólum og efla það til heilbrigðs lífernis án fíkniefna. Umtalsverðu fé sé varið í þennan málaflokk og meta þurfi árangur þess sem gert er eins og kostur er. Fulltrúar hópsins hafa einnig átt fundi með forsætis- og heilbrigðisráðherra.

Eftir þessa yfirferð er það niðurstaða hópsins að leggja í fyrstu áherslu á tvö verkefni, sem lesa má um á síðunni um verkefni sjóðsins.

Í hópnum starfa eftirtaldir einstaklingar og eru þeir ábyrgir fyrir verkefnum hans:

Bolli Thoroddsen, varaborgarfulltrúi og verkefnisstjóri hjá Actavis Group 
Sandra Kristjánsdóttir, viðskiptafræðinemi við HR
Sigríður Haraldsdóttir, verslunarkona
Stefanía Sigurðardóttir, nemi í Rose Bruford College
Svanhvít Yrsa Árnadóttir, laganemi við HÍ
Viktoría Rós Gísladóttir, verkfræðinemi við University of California, San Diego
Ösp Árnadóttir,mastersnemi við Sussex háskóla

Afrit af samþykktum félagsins: